18/04/17

Dereitos da Infancia

En 6º este curso na clase de Valores estivemos traballando sobre os Dereitos da Infancia. Só son 10; pero: estamos seguros de que todos os nenos e nenas do mundo están protexidos por eses dereitos? As noticias que recibimos fannos dubidar moito. Nós si que estamos protexidos por eles. O cal nos fai pensar que vivimos nunha parte do mundo que nos ten en conta.











Clases de xadrez

O alumnado que practica xadrez no recreo continúa ensinando a outras clases. Segue axudando á clase de 4º unha vez á semana ( ver entrada en febreiro ) e tamén, o fixo ao resto da clase de 6º. Estes quedaron con ganas de seguir.
As fotos quedan de recordo.






10/04/17

O club de Taekwondo HEBE ven visitarnos

O venres antes das vacacións, tivemos no cole a Jaco, un dos profes de Taekwondo do ximnasio HEBE. Viu ensinarnos moitas cousas sobre este deporte e, a verdade, e que o pasamos moi ben e aprendemos moitísimo.
Ao final, Ángela e Claudia, da aula de 5º curso, fixéronnos unha demostración práctica. Parabéns a elas e a todo o alumnado, que o fixo moi ben!!!


03/04/17

Unha visita inesperada

O xoves, 30 de marzo, no colexio ocurriu unha cousa un tanto extraña...
Na penúltima hora, en medio do silencio dun exame as nenas e nenos de 6º de Primaria xunto coa profesora de música escoitaron un forte ruido, miraron para a ventá e...

HABÍA UNHA  AGUIA!!!

Nós quedamos moi asombrados e ela estaba moi asustada. Quedouse apoiada na ventá ata que soou a música da saída e botou a voar.
A profe sacou fotos e aquí están. Perdoade a calidade.





01/04/17

REMATOU A EDUCACIÓN FÍSICA NA PISCINA...

Onte tivemos a nosa última sesión de piscina. Fixemos un repaso de todo o aprendido nas sesións anteriores e, tamén, ensináronnos a tirarnos de cabeza!!!!
Quedamos encantados e con pena de non poder seguir, de que xa rematara...

Queremos agradecer a todo o persoal da piscina por apoiarnos nesta experiencia e, sobre a todo a Pedro, pola súa implicación, paciencia e esforzo. Isto non sería posible sen a colaboración do Concello e de Aqualia, así que, unha vez máis, grazas por contar con nós nesta iniciativa. Esperamos poder seguir con esta actividade nos vindeiros cursos!!!



30/03/17

Les présentations



Os nenos e nenas de sexto curso preséntanse empregando a banda deseñada.
Les présentations

28/03/17

Entrevista á Asociación de mulleres de Moaña

O luns o alumnado de 5º e 6º recibimos na biblioteca do centro unha representación da Asociación de Mulleres de Moaña. Previo á visita elaboramos unha enquisa coa finalidade de coñecer o funcionamento dunha Asociación tan importante para Moaña.
A presidenta Concha Ramos, xunto con Concha Trigo, Teresa Rivas e Mucha López explicáronnos como funciona a Asociación e todas as actividades que se realizan nela.
 Decatámonos da gran variedade de oferta que hai e da importancia que ten a Asociación para todas aquelas mulleres  que queiran colaborar con elas e desfrutar das actividades que ofrece a asociación. Moitas grazas pola vosa visita!.

24/03/17

Cuarta sesión de piscina

Esta sesión estivo dedicada a traballar os brazos e pernas de braza e tamén ao buceo. Encantounos!!!
Grazas Pedro por ensinarnos tanto en tan pouco tempo!!!


21/03/17

Día da Poesía

Un  ano máis celebramos o Día da Poesía en todo o cole. A clase de 6º tamén o celebrou.



21 de marzo. Día da Poesía

Hoxe conmemoramos o Día da Poesía. Como temos costume, agasallamos ás familias cun poema e un caravel.